पर्वत– संस्कृति पर्यटन तथा नागरिक उड्यन मन्त्रालयले एक सय आठ वटा पर्यटकीय गन्तव्य छनोट गरेको छ । मन्त्रालयले छनोट गरेको पर्यटकीय मन्तव्य मध्ये पर्वतको शालिग्राम सेतीबेणी र गुप्तेश्वर गुफा पनि परेका छन् ।

पर्यटकीय प्रर्दद्धन र विकासका लागि पहिचान गरिएका पर्यटकीय गन्तव्य मध्ये कुश्मा नगरपालिका–३ दुर्लुङमा संञ्चालित क्यानोनिङ, केभिङ र होमस्टेका साथै महाशिला गाउँपालिकामा रहेको महाशिललाई नयाँ गन्तव्यका रुपमा समावेश गरेको छ । पर्वत जिल्ला पार्वतीको जन्मथलोको रुपमा परिचित छ । महाभारत लगायत धर्मग्रन्थमा उल्लेखित कालन्जर पर्वत यहि जिल्लामा रहेको छ ।

कालिगण्डकी जस्तो पवित्र नदी, दर्जनौँ पौराणिक धार्मिक दस्तावेज यो जिल्लामा रहेर पनि ओझेलमा रहेका बेला पर्यटकिय गन्तव्यका रुपमा नयाँ स्थानहरु विकास हुँदा यहाँका व्यापारिक तथा व्यावसायिक खुशी भएका छन् । त्यस्तै गरि कास्की, पर्वत र स्याङ्जाको संगमस्थलको रुपमा रहेको प्राकृतिक हिसावले महत्वपूर्ण मानिएको पञ्चासे पनि कास्की जिल्लाको पर्यटकिय गन्तव्यको रुपमा छनोट भएको छ । पर्वतको पञ्चासे, महालिशादेखि सेतीबेणीसम्मका स्थलहरु पर्यटकीय गन्तव्यको रुपमा विकास हुने देखिएको छ ।

मन्त्रालयले यसै आर्थिक बर्षमा सय वटा पर्यटकीय मन्तव्य घोषण गरेर पूर्वाधार विकास गर्ने उल्लेख गरेअनुसार गन्तव्य तोकिएको जनाएको छ । सरकारले ताकिएका पर्यटकीय गन्तव्य छनोट गरी पर्यटनको विविधिकरण, विस्तार र विकास गर्ने रणनीति बनाएको छ । सरकारले पर्वत नेपाल डट.कमलाई दिएको जानकारी अनुसार सन् २०२० सम्ममा २० लाख पर्यटक भित्राउने सरकारी लक्ष्य हाशिल गर्न सहयोग पु¥याउने लक्ष्य लिएको जनाएको छ ।

सरकारले २०२५ सम्म देशको अर्थतन्त्रको कुल हिस्सामा पर्यटनको योगदान २५ प्रतिशत र्पुयोउने लक्ष्यसहित थप सय गन्तव्य छनोट गरेको हो । पर्यटकीय गन्तव्य छनोटसँगै सरकारले सार्वजनिक निजी क्षेत्रको साझेदारी (पिपिपी) मोडलमा पूर्वाधार विकास गर्ने योजनालाई पनि प्राथमिकता दिने भएको छ ।सरकारले बजेटमार्फत नै नयाँ सय गन्तव्य छनोटका लागि ५० करोड रुपैयाँ विनियोजन गरेको छ ।

यसैगरी, गन्तव्य छनोटमा ५ वर्ग किलोमिटर वा सोभन्दा बढी क्षेत्रफलमा फैलिएका तालतलैया वा पोखरी भएको ठाउँलाई समेत आधार मानिएको छ । चर्चित पर्यटकीय गन्तव्य तर भौतिक पूर्वाधार र सेवासुविधाले पछाडि परेको ठाउँलाई पनि पाँच आधार भित्र राखिएको छ । त्यस्तै पर्वतलाई आगमी बैशाखमा धार्मिक महोत्सव गरिने भएको छ ।