मंसिर २१, पर्वत । एउटा विद्यालयले कहिलेसम्म स्वर्ण महोत्सव मनाउँलान < एक हप्ता, दुई हप्ता वा एक महिलासम्म < तर, यहाँको एक विद्यालयले भने एक बर्षसम्म स्वार्ण महोत्सव मनाउने भएको छ । पर्वतको कुश्मा नगरपालिका १० पिपलटारीमा अवस्थित पूर्णेश्वर माध्यामिक विद्यालयले एक बर्षसम्म स्पर्ण महोत्सव मनाउने भएको हो । विस २०१७ सालमा स्थापना भएको विद्यालय जिल्लाकै अग्रणी शैक्षिक संस्थामा पर्ने गर्छ । बिद्यालयमा प्राबिधीक शिक्षा सुरु गर्ने लक्ष्य सहित माघ १७ देखि अर्को २०७६ माघ १७ सम्म एक बर्ष बिबिध कार्यक्रम सहित स्वर्ण महोत्सब मनाउने भएको हो ।

स्वर्ण महोत्सब मुल आयोजक समितिले बुधवार कुश्मामा पत्रकार सम्मेलन मार्फत दिएको जानकारी अनुसार बिद्यालयले शैक्षिक प्रदेश, राष्ट्रिय र स्थानिय स्तरका बिभिन्न प्रतियोगिता, सचेतनामुलक कार्यक्रम सहित स्वर्ण महोत्सब मनाउन लागिएको हो । स्वर्ण महोत्सबमा बिभिन्न दाताहरुबाट रकम संकलन गरेर प्राबिधीक शिक्षा सुरु गर्ने योजना रहेको मुल आयोजक समितिका संयोजक गणेश शर्मा पौडेलले बताए । ‘खर्चिला र बोझिला कार्यक्रम भन्दा पनि प्रभावकारी कार्यक्रमहरु मार्फत स्वर्ण महोत्सब मनाउने लक्ष्य राखिएको छ’ महोत्सबमा बिभिन्न दाताहरुबाट सहयोग संकलन गरि सिभिल वा अन्य बिषयको इन्जिनियरीङ्ग कक्षा सुरु गर्ने र छोटो अवधीका सिपमुलक तालिम समेत सञ्चालन गरि प्राबिधीक जनशक्ति तयार गर्ने लक्ष्य राखिएको संयोजक पौडेलले बताए ।

स्वर्ण महोत्सबमा ५ सय देखि १० लाख सम्म चन्दा दिने सहयोगदातालाई बिभिन्न सम्मान गर्ने कार्यक्रम रहेको महोत्सब मुल आयोजक समितिका सहसंयोजक मेघनाथ सुबेदीले जानकारी दिए । महोत्सबमा १ करोड ५० लाख भन्दा बढी चन्दा संकलन गर्ने लक्ष्य आयोजकले राखेका छन ।

स्वर्ण महोत्सबमा राष्ट्रियस्तरको बक्तृत्वकला प्रतियोगिता, प्रदेशस्तरको लोकदोहोरी प्रतियोगिता तथा स्थानिय र जिल्लास्तरा पत्रकार र शिक्षक बिच भलिवल प्रतियोगिता, स्वर्ण स्तम्भ र स्वर्णद्वारको शिलन्यास गर्ने, लोकनृत्य, भलिबल, बत्तीबुनाई,रत्यौली, लठो तान्ने, खुल्ला ठेलो, ब्याडमिन्टन लगायतका कार्यक्रम बर्षभर मनाउने भएको छ । पत्रकार सम्मेलनमा बिद्यालयका प्रधानाध्यापक सरोज केसी र महोत्सब प्रचारप्रसार समितिका संयोजक गणेश पौडेलले पनि महोत्सबका बारेमा जानकारी दिएका थिए ।कार्यक्रममा फलेवास नगरपालिकाका मेयर पदमपाणि शर्माले  आफनो भनाई राखेका थिए ।