चैत्र २५, पर्वत । पर्वतको कुश्मा नगरपालिका १२ ठूलीपोखरीमा रहेको प्रसिद्ध कालिका भगवती मन्दिरमा चैते दशैंको अवसरमा २ दिने बाटुलेचौर मेला हुने भएको छ । मेला व्यवस्थापन समितिका अनुसार आगामी चैतको ३० गते र २०७६ बैशाख १ गते मेला हुने भएको हो । विगत २ दशक अगाडीसम्म यस क्षेत्रकै ठूलो मेला लाग्ने उक्त स्थानको पहिचान झल्काउन साथै परम्पराको जगेर्ना गर्न मेलाको आयोजना गरिएको हो ।

मेलाको अवसरमा खुला लोक भजन प्रतियोगिता, खुला लोक गित प्रतियोेगिता र खुला नृत्य प्रतियोगिताको आयोजना गरिएको आयोजकले जनाएको छ । कालिका भगवती मन्दिर क्षेत्र विकास संस्थाका अध्यक्ष गणेश पौडेलका अुनसार विगतको परम्परालाई स्थापित गराउने साथै स्थानीय कला संस्कृतीको जगेर्ना गर्ने उद्देश्यले उक्त कार्यक्रम आयोजना गरिएको बताउनुभयो । मेलामा विभिन्न राष्ट्रिय तथा स्थानीय कलाकारहरुको समेत प्रस्तुती रहने जनाईएको छ ।

कलाकारहरु याम क्षेत्री, कृष्ण अखेली, लक्ष्मी नेपाली, जीवन दाहाल तथा बसन्ती थापा लगायतका कलाकारहरुको प्रस्तुती रहने सचिब विश्वराज लामिछानेले बताउनुभयो ।