जेठ २६, पर्वत । पर्वतको फलेवास नगरपालिका १ कार्किनेटामा शुत्रवार जिल्ला प्रशासन कार्यालयको टोलीले नागरिकता बितरण गरेको छ ।

घुम्ती शिबिर मार्फत टोलीले कार्किनेटा बजारमा शुत्रवार एक दिनमै ५७ वटा नागरिकताको प्रमाणपत्र बितरण  गरेको छ । कार्किनेटा, थापाठाना, खौला, ठूलीपोखरी लगायतका स्थानका नागरिकहरुले घुम्ती शिबिरमा आएर नागरिताको प्रमाणपत्र लिएका छन् ।

प्रमुख जिल्ला अधिकारी गुरुदत्त ढकालको नेतृत्वमा गएको टोलीले ४० महिला र १७ पुरुषलाई नागरिकता बितरण गरेको अनुसन्धान अधिकृत बिष्णु पण्डितले जानकारी दिनुभयो । पण्डितका अनुसार शिविरमा नागरिकता सहित अपाङ्गत परिचयपत्र पनि बितरण गरिएको छ ।

 पक्षघात बाट थला परेका जितबहादुर सुनारलाई क वर्गको परिचयपत्र , अन्य ४ जनालाई ख र १ जनालाई ग वर्गको परिचयपत्र समेत बितरण गरिएको छ । कुश्मावजारमा आउन नसक्ने र समय निकाल्न नसक्ने नागरिकहरुलाई गाउँमै पुगेर सेवा दिन शिविरको आयोजना गरिएको हो ।

जिल्ला प्रसासन कार्यालयले अघिल्लो हप्ता महाशिला गाउँपालिका ५ लुँखुमा पुगेर १२५ जनालाई नागरिकता बितरण गरेको थियो ।